අපේ ඉස්කොලේ මිස් කෙනෙක් ගේ එකම පුතා නැතිවුනේ මොළයේ ඇතුලට විෂබීජයක් ගිහින්, ගොඩක් දුක් විදලා... ඉතින් මේක අපේ ගුරුතුමිට දරාගන්න බැරි වුනා... එයාට ටික කාලයක් මානසික ප්‍රතිකාර ලබාගන්නත් වුනා. ටිකක් විතර අමාරු වුන නිසා නේවාසික ප්‍රතිකාර ලබාගන්න අංගොඩ මානසික රෝහලේ නවත්වලා හිටියා. මමයි නංගියි ගියා දවසක් අපේ මිස්ගේ සැප දුක බලලා එන්න. " පිස්සන් කොටුව " ගැන අපි අහල තිබුන විහිලු කතා වල පොඩි හරි ඇත්තක් තියනවා කියලා ටික වෙලාවකින් පැහැදිලි වුනා.
අපි ඇතුලට යද්දි එක ඇඳක් වට කරගෙන ගොඩක් අය හිටිය. ඔය වගෙ ඒව ඉස්පිරිතාල වල සාමාන්‍ය සිදුවිම් නිසා වැඩිය ගණන් ගන්නේ නැතිව අපි ආපු වැඩේ කරගෙන ගියා. ටික වෙලාවකින් අර ගොඩක් අය වට කරගෙන ඇඳ උඩ හිටපු කෙනා මගේ ලගට ඇවිත් අහනව...
" තමුසේ කොළඹ කැම්පස් එකේ හිටියා නේද? "... කියලා... මම කොහෙද කොළඹ කැම්පස් ගියේ... කිවුව නෑ කියලා. "නැත්තේ මොකද ඕයි... තමුසේ නේද මට රැග් කරන්න ආවේ." මම නිකන් කරකවල අත ඇරියා වගෙ.. මේ මොකක්ද මේ වුනේ කියල. හොද වෙලාවට එතන හිටපු කෙනෙක් ඇවිත් අර කැගහපු කෙනාව අරගෙන ගියා. එහෙම අරගෙන යද්දිත් කියන්නේ මම එයාට රැග් කලාය කියලා...
ටික වේලාවකට පස්සේ ලඟට ආපු අර ඇඳ ලඟ හිටපු කෙනෙක් කිවුව විදියට,
ලෙඩ වෙලා ඉන්නෙ කැම්පස් එකේ ඒ අයගේ යාළුවෙක් ලු... අවසන් වසරේ විභාගයට පාඩම් කරල වැඩිවීම සහ විභාගය ගැන ගොඩක් හිතපු එක මෙහෙම අසනීප වෙන්න හේතු වුනා ලු...ඒ වගෙම ගෙදර තිබුන ප්‍රශ්න එහෙමත් ලෙඩේ තව වැඩි වෙන්න බලපැවාලු... ඒ ගැණු ළමයා කැම්පස් එන්න ඇත්තේ ගොඩක් ලොකු බලාපොරොත්තු තියාගෙන වෙන්න ඇති. මොනවා කරන්නද අන්තිමට ඒවා ඔක්කොම නැතිවෙලා ගියා... ඒක තාවකාලිකව වුන දේයක්නම් ගොඩක් හොදයි...
මම මේ කතාව ගෙදර ඇවිත් කිවුවාම අපේ මලයා කෙනෙක් තව හොද කතාවක් කිවුවා... මිනිහා වෛද්‍ය ශිෂ්‍යයෙක් කරාපිටියේ... දවසක් සායනික පුහුණුවට මේ අය ගියාලු උණවටුන මානසික රෝහලට. යද්දි ගැහැණු කෙනෙක් වාට්ටුව වටේට යනවා ලු පොඩි ළමයි කුරුල්ලෝ පියාඹන විදිය අනුකරණය කරන විදියට. අත්දෙකත් දෙපැත්තට ව්හිදුවාගෙන බෙල්ල එක පැත්තකට ඇලකරගෙන වාට්ටුව වටේට යනවා ලු... ඩොක්ටර් ඇවිත් ඇහැවුවාලු....
ආ... ගුඩ් මොර්නිං මිස්... අද කොහෙද ගියේ, සිරි පාදේ පැත්තේ ගියා ද ... කියලා.
ඔව් ඩොක්ටර් අද උදේන්ම සිරී පාදේ වැන්දා... අවේ මේ පැත්තෙන් ගියේ අර පැත්තෙන් කියලා ලොකු ගමන් විස්තරයක් කියල... ටික වෙලාවකින් ලඟට ආපු මේ මනුස්සයා අර ආපු වෛද්‍ය ශිෂ්‍යයොන්ට කියනවාලු, " ඉස්සර නම් මම මෙහෙම නැ ගොඩා..ක් උඩට පියාඹනවා... දැන් සනීප නැ නේ.. එක නිසා ඒක නිසා වැඩිය උඩට යන්න එපා කියල ඩොක්ට කිවුව කියල..." මොනවා කරන්නද හිනාවෙන්න හොද නැනේ කට්ටියම කටවල් තද කරගෙන බොහොම අමාරුවෙන් ඉදලා...
No comments:
Post a Comment